دوسرا ٹیسٹ کا پہلا روز: پاکستان نے 4 وکٹوں کے نقصان پر 212 رنز بنالیے

جمیکا: کنگسٹن میں ہونے والے دوسرے اور سیریز کے آخری ٹیسٹ میں پاکستان نے پہلے دن کے اختتام پر 4 وکٹوں کے نقصان پر 212 رنز بنالیے ہیں۔ روشنی کم ہونے کی وجہ سے پہلے دن کا کھیل جلد ختم کر دیا گیا ۔

ویسٹ انڈیز کے خلاف دوسرے ٹیسٹ میچ میں قومی ٹیم گر کر سنبھل گئی۔ پہلے ہی اوور میں اوپنر عابد علی ایک رن بنا کر کیمار روچ کو وکٹ دے بیٹھے جس کے بعد اظہر علی بغیر کوئی رن بنائے پویلین لوٹ گئے جبکہ عمران بٹ بھی ایک رن بنا کر آؤٹ ہوگئے۔ ابتدائی تین وکٹیں 2 رنز پر گرنے کے بعد بابر اعظم اور فواد عالم نے ذمہ دارانہ بیٹنگ کرتے ہوئے نصف سنچریاں سکور کر دیں۔

Captain @babarazam258 reviews day-one of the second #WIvPAK Test#HarHaalMainCricket | #BackTheBoysInGreen pic.twitter.com/CX8k6lYPRz

— Pakistan Cricket (@TheRealPCB) August 20, 2021

کپتان بابر اعظم 75 رنز بنا کر آؤٹ ہوئے جبکہ فواد عالم نے 76 رنز اسکور کیے اور وہ ریٹائرڈ ہرٹ ہوگئے۔ پہلے دن کھیل کے اختتام تک پاکستان ٹیم نے 4 وکٹوں پر 212 رنز بنالیے ہیں جبکہ محمد رضوان 22 اور فہیم اشرف 23 رنز بنا کر کریز پر موجود ہیں۔ ویسٹ انڈیز کی جانب سے کیمار روچ نے 3 اور جیڈن سیلز نے ایک کھلاڑی کو آؤٹ کیا۔

Stumps (day 1) at Sabina Park, Kingston, Jamaica.

Scorecard: https://t.co/seuo3td2mZ#WIvPAK | #HarHaalMainCricket | #BackTheBoysInGreen pic.twitter.com/IFx3WOBNdf

— Pakistan Cricket Live (@TheRealPCB_Live) August 20, 2021

یاد رہے قومی ٹیم میں ایک تبدیلی کی گئی ہے یاسر شاہ کی جگہ نعمان علی کو فائنل الیون کا حصہ بنایا گیا ہے جبکہ میزبان ٹیم میں بھی ایک تبدیلی کی گئی ہے، الزاری جوزف کو ٹیم میں شامل کیا گیا ہے۔ واضح رہے کہ پہلے ٹیسٹ میچ میں ویسٹ انڈیز نے پاکستان کو سنسنی خیز مقابلے کے بعد ایک وکٹ سے شکست دی تھی۔

from Abb Takk News https://ift.tt/2WgSAQ1