اسلام آباد: کورونا کی چوتھی لہر سے اموات کا سلسلہ جاری ہے مزید 70 مریض جاں بحق، 3 ہزار سے زائد کیسز رپورٹ، کورونا کے تصدیق شدہ کیسز کی تعداد 11 لاکھ 16 ہزار 886 ہوگئی۔
نیشنل کمانڈ اینڈ آپریشن سینٹر نے ملک میں جاری کورونا وبا کی صورتحال کے اعدادو شمار جاری کردیئے جس کے مطابق ملک بھر میں 24 گھنٹوں میں 70 مریض جاں بحق ہوگئے، جس کے بعد اموات کی مجموعی تعداد 24 ہزار 783 ہو گئی ہے۔
این سی او سی کا کہنا ہے کہ گزشتہ 24 گھنٹوں کے دوران ملک بھر میں کورونا کے 51 ہزار 982 ٹیسٹ کیے گئے جن میں سے 3 ہزار 239 افراد میں وائرس کی تصدیق ہوئی، اس دوران کورونا کے مثبت کیسز کی شرح 6.23 فیصد رہی۔
نیشنل کمانڈ اینڈ آپریشن سینٹر نے بتایا کہ ملک میں کورونا کے فعال کیسز کی تعداد 89 ہزار 673 اور مجموعی کیسز 11 لاکھ 16 ہزار 886 تک جاپہنچے ہیں۔ اعدادو شمار کے مطابق 24 گھنٹوں کے دوران ملک بھر میں 3027 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 10 لاکھ 2 ہزار 430 ہو گئی ہے۔
from Abb Takk News https://ift.tt/38dLP49
Post a Comment Blogger Facebook