کراچی: پیپلز پارٹی نے حکومت سے تین سالہ کارکردگی عوام کے سامنے پیش کرنے کا مطالبہ کیا ہے۔ سینیٹر شیری رحمان کا کہنا ہے کہ نئے پاکستان کے نام پر تین سال میں جو تباہی کی گئی ہے اس کی مثال نہیں ملتی۔
ایک بیان میں سینیٹر شیری رحمان نے کہا کہ حکومت اپنی تین سال کی کارکردگی عوام کے سامنے پیش کرے،تحریک انصاف نے تین ماہ میں کرپشن کے خاتمے اور ملک میں انقلاب کا وعدہ تھا آج تین سال گزرنے کے بعد حکومت خاموش کیوں ہے،حکومت نے جو وعدے اور دعوے نوے دن مین پورے کرنے تھے وہ تین سال بعد بھی پورے نہ ہو سکے نئے پاکستان کے نام پرجو تباہی کی گئی ہے اس کی مثال نہیں ملتی، ملک و عوام کو سال حکومت کی نااہلی کی وجہ سے شدید بحران کا سامنہ کرنا پڑا، حکومت چینی، آٹا، ادویات، پیٹرول، ایل این جی، بی آر ٹی، بلین ٹری کرپشن اسکینڈلز میں ملوث رہی،تین سال کرپشن، مہنگائی، بیروزگاری، بدامنی، انتقام اور سنسرشپ کی حکمرانی رہی ہے۔
شیری رحمان نے کہا کہ پیٹرول، بجلی، گیس اور اشیائے خوردونوش سے لیکر ہر چیز کی قیمتوں میں اضافہ کیا گیا۔ پیٹرول پچانوے روپے فی لیٹر سے ایک سو بیس روپے فی لیٹر ہو چکا ہے،تین سال وزراء میوزیکل چیئر کھیلتے رہے، چار وزیر خزانہ تبدیل کئے گئے، ان تین سالوں میں حکومت نے تینتیس ارب ڈالر کے غیر ملکی قرضے حاصل کئے،اس حکومت میں قرضوں میں ریکارڈ ترپن فیصد اضافہ ہوا ہے،مجموعی 8.4 فیصد جبکہ ہفتہ وار مہنگائی کی شرح 16.60 فیصد ہے، جو خطے میں سب سے زیادہ ہے تین سال کی بدترین گورننس اور کارکردگی کا خمیازہ عوام کو بھگتنا پڑا ہے۔
from Abb Takk News https://ift.tt/3syN0nY
Post a Comment Blogger Facebook