لاہور: احتساب عدالت نے پیراگون ریفرنس کی سماعت 23 ستمبر تک ملتوی کرتے ہوئے خواجہ برادران کو دوبارہ طلب کرلیا۔ میڈیا سے گفتگو کرتے ہوئے خواجہ سعد رفیق کا کہنا تھا کہ سونامی کی نحوست نے پاکستان کا نقصان کیا ہے۔،رنگیلے حکمرانوں کو صرف جھوٹ بولنا آتا ہے جو تین سالہ کارکردگی پر بھی جھوٹ بول رہے ہیں ۔
لاہور کی احتساب عدالت میں پیراگون ریفرنس پر سماعت ہوئی، ن لیگی رہنما خواجہ سعد رفیق اور سلمان رفیق عدالت میں پیش ہوئے۔ احتساب عدالت نمبر دو کے جج کی عدم دستیابی کے باعث کیس میں پیشرفت نہ ہوسکی۔ عدالت نے پیراگون ریفرنس پر سماعت 23ستمبر تک ملتوی کرتے ہوئے ملزمان کو آئندہ سماعت پر دوبارہ طلب کرلیا۔
میڈیا سے گفتگو کرتے ہوئے خواجہ سعد رفیق کا کہنا تھا کہ وزیراعظم اور وزراء غلط بیانی سے تین سالہ بدترین کارکردگی کو اچھا بنا کر پیش کرنے کی کوشش کررہے ہیں، حکومت نے سرکاری اداروں کا ستیاناس کردیا ہے۔ خواجہ سعد رفیق کا کہنا تھا کہ افغانستان میں سیاسی اتفاق رائے ہونا چاہئیے، افغان معاملے پر پارلیمنٹ کا اجلاس نہ ہونا لمحہ فکریہ ہے۔
سابق وفاقی وزیر کا کہنا تھا کہ اپوزیشن کے سیاستدانوں کا احتساب ہورہا ہے جبکہ ملک لوٹنے والے آزادانہ گھوم رہے ہیں، سیاسی مخالفین کو ٹارگٹ کرنے سے تلخی کے سوا کچھ نہیں نکلے گا۔
from Abb Takk News https://ift.tt/3kmIxBg
Post a Comment Blogger Facebook