لاہور: مسلم لیگ ن کے سیکریٹری جنرل احسن اقبال نے پارٹی رہنما میاں جاوید لطیف کو شوکاز نوٹس جاری کردیا ہے جس میں کہا گیا ہے کہ 14 ستمبر کو ٹی وی پروگرام میں آپ نے جو باتیں کیں وہ پارٹی نظم وضبط کی خلاف ورزی ہے۔
مسلم لیگ نون کے قائد نوازشریف کی ہدایت پر جاوید لطیف کو شوکاز نوٹس جاری کیاگیا ۔ جس کے مطابق آپ نے بعض بے بنیاد الزامات لگائے جو پارٹی نظم وضبط کی خلاف ورزی ہے ۔ جمہوری روایات کی امین مسلم لیگ ن نے جمہوری اصولوں کے لئے کلیدی کرداراداکیا ہے۔
نوٹس میں کہا گیا کہ نوازشریف دہائیوں سے شانے سے شانہ ملا کر چلنے والے اپنے ساتھیوں کی دل سے قدر کرتے ہیں۔ غیرجمہوری قوتوں کی تمام سازشوں کے باوجود پارٹی متحد ہے ۔ کنٹونمنٹ بورڈ کے انتخابات میں کامیابی پارٹی کے اتحاد اور عوامی حمایت و مقبولیت کا واضح ثبوت ہے ۔ پارٹی ضابطہ اخلاق اور نظم وضبط کی خلاف ورزی ناقابل قبول ہے7دن میں جواب دیں کہ پارٹی نظم وضبط کی خلاف ورزی پر آپ کے خلاف تادیبی کارروائی کیوں نہ کی جائے۔
The post مسلم لیگ ن نے پارٹی رہنما میاں جاوید لطیف کو شوکاز نوٹس جاری کردیا appeared first on Abb Takk News.
from Abb Takk News https://ift.tt/3ArZoJK
Post a Comment Blogger Facebook