کوٹہ سسٹم کے خلاف درخواست،وفاقی حکومت نے جواب جمع کرادیا

کراچی: سندھ ہائیکورٹ میں کوٹہ سسٹم کی معیاد ختم ہونے کے باوجود تقرریوں کے خلاف درخواست کی سماعت ہوئی۔ وفاقی حکومت نے جواب جمع کرادیا۔ عدالت نے درخواست گزار سے جواب الجواب طلب کرلیا۔

وفاقی حکومت کے جواب میں کہا گیا ہے کہ کوٹہ سسٹم 1973 کے آئین کے آرٹیکل 27 کے تحت پہلے دس سال کے لئے نافذ کیا گیا تھا ،1985 کے بعد بتدریج کوٹہ سسٹم میں صدارتی آرڈیننس کے تحت توسیع کی جاتی رہی ہے،2013 میں کوٹہ سسٹم میں بیس سال کی توسیع کی منظوری دی گئی، لیکن پارلمنٹ کی مدت ختم ہونے کے باعث ترمیم نہیں ہوسکی تھی۔

موجودہ حکومت نے مشاورت کے لئے کمیٹی تشکیل دی ہے، کمیٹی کی جانب سے سفارشات کے باوجود کابینہ نے اس پر اٹارنی جنرل سے رائے طلب کی تھی، اس کے لیے وزیر اعظم کی منظوری کا انتظار ہے، کوٹہ سسٹم وفاق کے تمام یونٹس کے لوگوں کو ملازمت اور ترقیوں میں مساوی حصہ دینے کے لئے رائج کیا گیاہے، چاروں صوبوں کے بعد گلگت بلتستان کے لئے بھی چار فیصد کوٹہ مختص کیا گیا ہے ،وفاقی حکومت کا عدالت میں انکشاف۔

وفاقی حکومت کے جواب میں مزید کہا گیا ہے کہ درخواست غیر ضروری ہے مسترد کی جائے، عدالت نے درخواست گزار سے جواب الجواب طلب کرلیا۔ ملک بھر میں ملازمتوں کے لیے کوٹہ سسٹم مقرر کرنے کے خلاف پاسبان پاکستان نے درخواست دائر کی تھی۔

The post کوٹہ سسٹم کے خلاف درخواست،وفاقی حکومت نے جواب جمع کرادیا appeared first on Abb Takk News.

from Abb Takk News https://ift.tt/3lzzoWh